Взирающе на равноангельное житие твое, Богоносне Марко,
яко во образе тя видим перваго человека, прежде преступления бывша малым чим менша от Ангел,
яко безчестное поражение, еже от преступления, исправляя и еже по образу удержав совершенным деланием заповедей,
во еже по подобию Божию, паче иных востекл еси
и добрым исповеданием и Богословием благочестйвыя нашея веры пред цари, и мучители, и всем миром совершенно украсился еси.
Сего ради человеческое естество, хвалящися твоими добротами, и вселенная, чудящися твоим исправлением,
Церковь же Христова, украшена сущи всемудрыми твоими Богонаставлении,вкупе ныне приносят ти радование,
и мы, утвержденнии тобою, усердно вопием ти: моли сохранитися нам в добром исповедании твоем.