Записался в передаче "Радыё Свабода" об антирусскости и прорусскости у нас тут
По итогам презентации моей книжки в Москве.
Юрий Дакохруст и мы с Валеркой Булгаковым (редактор альманаха ARCHE, издание наподобие украинского "Ї").
Пойдет в воскресение после новостного блока в 18.00 по Минскому времени. "Пражский акцент"

ПЫТАНЬНІ ДА “ПРАСКАГА АКЦЭНТУ” З ВАЛЕРКАМ БУЛГАКАВЫМ І ЮРЫЯМ ШАЎЦОВЫМ

Стаўленьне беларускіх палітычных сілаў да Расеі
Стаўленьне Расеі да беларускай палітычнай сытуацыі

І ў Беларусі і ў Расеі задавалася пытаньне аб стаўленьне да Расеі Аляксандра Мілінкевіча. Ён адказвае , што Расея, наш сусед, што існуе культурная блізкасьць, што ён не зьбіраецца рваць сувязі з Расеяй. Тым ня меньш сёй-той кажа, што Мілінкевіч – антырасейскі палітык, прынамсі менш прарасейскі, чым , скажам, Фралоў, Калякін ці нават Лябедзька. А што гэта такое - прарасейскі палітык у Беларусі? Хіба той, хто кажа, што беларусы і расейцы – адзіны народ, што беларусы былі штучны адарваныя ад маці-Расеі і павіны як мага хутчэй вярнуцца да яе? Дык такіх у Беларусі няма наагул – нават Лукашэнка зараз гэтага не гаворыць. Дык што такое ў Беларусі прарасейскі і антырасейскі?

Ці такую ўжо важную ролю адыгрывае Расеі ў беларускай палітыцы і прынамсі будзе адыгрываць у перадвыбарчай кампаніі наступнага году. Ці правільнай вам падаецца думка, што пераможа толькі той, каго патрымае Расея?

Перад Кангрэсам публіцыст Вадзім Казначэеў напісаў, што калі Мілінкевіч стане адзіным, то апазыцыя , пазьбегнуўшы грабель 2001 года, наступіць на старыя іржавыя граблі 1994 году. Абіраць адзіным чалавека з меткай БНФ – гэта непазьбежная аглушальная параза – мяркуе Казначэеў. Ці згодны Вы з такім меркаваньнем?

Як вядома абараньне адзіным Мілінкевіча, які апярэдзіў Анатоля Лябедзьку на 8 галасоў, спарадзіла крызыс у Аб’яднанай Грамадзянскай партыі, частка партыі палічыла рашэньне кангрэсу несправядлівым. Крызыс быў пераадолены, але Лябедзьку давялося нават паставіць пытаньне аб даверы сабе. Вяртаючыся да нашай сёньняшняй тэмы – ці ня лічыце Вы , што раскол паміж Мілінкевічам, Калякіным і Лябедзькам можа адбыцца менавіта па лініі стаўленьня да Расеі?

А што такое прарасейскасьць у Беларусі для самой Расеі, каго і за што яна можа і будзе лічыць прарасейскім і антырасейскім? І якія матывы зьяўляюцца вызначальнымі для яе выбару ў Беларусі – гэта стабільнасьць, гэта пэўныя эканамічныя саступкі (кшталту Белтрансгазу), гэта гэапалітычная арыентацыя (не НАТА і не Эўразьвяз)?