Звініць у маім акне жалеза...
Паслухайце, вясна iдзе.
Звiнiць ў маiм акне жалеза.
З вiнтоўкай стражнiк ноч i дзень
Пiльнуе куст пахучы бэзу.

А ён расцвiў агнём гарыць,
Такiм пахучым мяккiм сiнiм
На дрот калючы на муры,
Як хустку полымя ускiнуў.

Я цiха разбудзiў другiх.
Ад слёз сiнелi вочы бэзам.
I недзе хруснула ў худых
Руках iржавае жалеза.

М. Танк
1937, Заходняя Беларусь, віленская турма "Лукішкі"

Не зусім вясна, але з 23-24 пачаўся прырост святла і змяншэнне часоў цемры.