Ликбез: "Вас вызвали в..."
У сувязі з апошнімі частымі выклікамі ў гэбню беларускіх студэнтаў і выкладчыкаў з ЕГУ, а таксама студэнтаў, якія навучаюцца за мяжой...

Спадарства!
Памятайце:

1. Ніхто з вас не абавязаны хадзіць на "размовы да дзядзі" і даваць яму нейкія тлумачэнні. Гэта АБСАЛЮТНА справа вашага асабістага выбару - ісці ці не на такога кшталту мерапрыемствы.


2. Згодна Крымінальна-працэсуальнаму кодэксу Рэспублікі Беларусь, вы мусіце ісці толькі на ДОПЫТ, які можа адбывацца толькі ў рамках нейкай крымінальнай справы.
Прычым, вам загадзя павінны паведаміць ПОЗВАЙ. У ёй мусіць быць напісана: хто, у якасці каго (сведкі, падазраванага, абвінавачванага), да каго, па якім адрасе, у які час выкліканы, а таксама наступствы няяўкі.

- падазраваны, абвінавачваны - тут усё зразумела, без адваката ні кроку;

- сведка - тут складаней.
Але згодна Канстытуцыі РБ (арт.62) вы маеце права на ПРАДСТАЎНІКА (там ёсць пункт "і іншых прадстаўнікоў"), які кампетэнтней за вас. Ім можа быць у прынцыпе любы разумны чалавек, якому вы давяраеце. Фішка ў тым, каб не хадзіць адному ў такога кшталту ўстановы - гэта істотна.
Часцяком прадстаўніка не пускаюць.
Але ў такім выпадку можна спасылацца на тое, што былі парушаны вашыя правы і таму допыт адбываецца не па законе (а значыць вы не абавязаны ў ім ўдзельнічаць).

Калі з вамі не хочуць размаўляць па-беларуску вы таксама маеце права патрабаваць перакладчыка.

Сведка мае права (60 арт КПК):
п.3.
1)Не сведчыць супраць сябе самога, чальцоў сваёй сям'і, блізкіх сваякоў;
2)заяўляць адвод перакладчыку;
3)уласнаручна запісваць паказанні ў пратаколе допыта...
4)заяўляць (падчас допыту ў т.л.) хадайніцтвы і скаргі на дзеянні воргана, што вядзе крымінальны працэс...
5)атрымоўваць спагнанне расходаў, якія былі панесены пры вядзенні крымінальнай справы і шкоды, нанесенай ворганам, які вядзе крымінальны працэс;
...
Сведка можа быць прыцягнуты да крымінальнай адказнасці за адмову ці ўхіленне ад альбо за заведама ілжывыя паказанні.



Добры прыклад таго, ЯК ТРЭБА: http://be1arus.livejournal.com/11733.html