![[info]](http://lj.rossia.org/img/userinfo.gif){kind=small}
guest_2:МОЛИТВА ПОСЛЕДНИХ ВРЕМЕН
Старец Афонский Паисий, чтобы правильно воспринимать происходящее сегодня, чтобы правильно настроить себя на терпение скорбных обстоятельств в связи с глобализацией, цифровой идентификацией и всего, что с ними связано, советовал читать соборно молитву (песнь) трех отроков (Анании, Азарии и Мисаила) в печи Вавилонской из 3-ей главы книги пророка Даниила. Вот она:
Благословен еси, Господи Боже отец наших, и хвально и прославлено имя Твое во веки. Яко праведен еси о всех, яже сотворил еси нам, и вся дела Твоя истинна, и прави путие Твои, и вси суди Твои истинни. И судьбы истинны сотворил еси по всем, яже навел еси на ны, и на град святый отец наших Иерусалим: яко истиною и судом навел еси сия вся на ны грех ради наших. Яко согрешихом и беззаконновахом отступити от Тебе, и прегрешихом во всех. И заповедей Твоих не послушахом, ниже соблюдохом, ниже сотворихом, якоже заповедал еси нам, да благо нам будет. И вся, яже сотворил еси нам, и вся елика навел еси нам, истинным судом сотворил еси. И предал еси нас в руки врагов беззаконных, мерзких отступников, и цареви неправедну, и лукавнейшу паче всея земли. И ныне несть нам отверсти уст, студ и поношение быхом рабом Твоим, и чтущим Тя. Не предаждь же нас до конца имене Твоего ради, и не разори завета Твоего. И не отстави милости Твоея от нас, Авраама ради возлюбленнаго от Тебе, и за Исаака раба Твоего, и Израиля святаго Твоего. Имже глаголал еси умножити семя их, яко звезды небесныя: и яко песок при краи моря. Яко, Владыко, умалихомся паче всех язык, и есмы смирени по всей земли днесь грех ради наших. И несть во время сие начальника, и пророка, и вожда: ниже всесожжения, ниже жертвы, ниже приношения, ниже кадила, ни места, еже пожрети пред Тобою, и обрести милость. Но душею сокрушенною, и духом смиренным, да прияти будем. Яко во всесожжениих овних и юнчих, и яко во тьмах агнец тучных: тако да будет жертва наша пред Тобою днесь, и да совершится по Тебе, яко несть студа уповающим на Тя. И ныне возследуем всем сердцем, и боимся Тебе, и ищем лица Твоего. Не посрами нас, но сотвори с нами по кротости Твоей, и по множеству милости Твоея. И изми нас по чудесем Твоим, и даждь славу имени Твоему, Господи. И да посрамятся вси являющии рабом Твоим злая: и да постыдятся от всякия силы, и крепость их да сокрушится. И да разумеют, яко Ты еси Господь Бог един, и славен по всей вселенней.
http://www.kongord.ru/Index/Screst/sk131-1