"Однако, о Дэвэл камья, сыр душло сы, амэн тэ"
говорение языками:

Дэвлэскири слава и патыв нашты тэ гаравэс.
Ада саро исыс кай-то охто-еня бэрш палэ....
Дро одолэ бэрша амэнге исыс дриван пхарэс, и рашаны мири бут пэрэлас духоса. Пало трин бэрш амэ панч молэ перетрадыям штэтостыр кэ штэто, амэндэ лачнэпэ трин чая, савэ исыс инке тыкнэ (барэ чакэ исыс кай-то панч бэрш), рашаны мири сыклёлас дро вузо и инке исыс тэрненько. Ёй бут думинэлас пал одова, со акэ сарэ раклорья одой пхирэн про кхэлыбэн, лошалён, а мандэ, хай, кадасаво джиипэн пхаро, мэ кокори тэрны сом, а мандэ акэ э ери баро, джиипэн пхаро сы, дживаса чорорэс. Ёй думиндя, со хай манге бы тэ мэрав сыгадыр, только бы о Упратуно Рай о грэхи тэ отмэкэл - и тэды акэ можно тэ мэрав. И ёй бут мангдя Дэвлэс, соб Ёв бечадя лакэ о мэрипэн. Однако, о Дэвэл камья, сыр душло сы, амэн тэ подрикирэл и бечадя кадасаво лачипэн...

Амэндэ дро форо исыс баро заводо, саво акана саро разчордо-разбикиндло сы. Но дро када пОра ёв исыс зурало, гадже одой шукар бутякирнас и полэнас ех екхэс. Одой исыс ех патывало русско гаджё, саво акана рашай сы дро джювлитко монастырё. А тэды ёв исыс баро мануш дро кодова заводо. И ёв скэдыяпэс патывалэ манушэнца, и кэрдэ ёнэ э поездка дро Дивеево кэ свэнто Серафим Саровский. Налэнэ ёнэ автобусо и покхардэ ман сыр рашас. А мэ лэём пэса ромня и барэ чаёрья. И акэ традыям амэ дро Дивеево. Пиро дром амэ бут мангасаспэс и бут прогиндям разно мангипэн. Явьям амэ дро монастырё ранос, кай-то кэ панч кэды откэрэнас кхангеритко пОртэ. Пора исыс - о сентябрё пэрво дэвэса, кэды рипирэн Владимирско Масхарья. Кэды амэ загэям дро монастырё, ёв сыкадыя амэнге сыр раё...Адакицык бут одой исыс разно цвитуря, лолудя, савэ дриван шукар кхандэнас, пхабанэ брэзицы исыс пхэрдэ пхабэнца.....Амэ саро обдыхтям и загэям дро бари кхангери, кай пасён свэнтонэскирэ свэнто кукалэ, и кай ёв кокоро пирэ Дэвэлытко прилэл патывалэ манушэн....(Дороспхэнава ангил).


http://kolokolchik-lby.livejournal.com/155122.html