Альфредъ Шнитке. Покаянные стихи Шнитке гдѣ-то нашелъ аутентичный текстъ 16 или 17 вѣка и написалъ кантату.
https://www.youtube.com/watch?v=NxvvqsMRsrkТекстъ этотъ мнѣ когда-то запомнился своеобразнымъ сочетанiемъ истовыхъ молитвъ Господу и вполнѣ будничныхъ жалобъ на братьевъ-монаховъ.
Цитаты:
Согрѣшихо, господи, согрѣшихо,
И безаконеновахо. (I)
---
Аще хощеши победити
Безвремянную печаль,
Не опечалися никогда же
За кою-любо времянную вещъ.
...
Тогда ся токмо печалися,
Егда согрешиши,
Но и тогда в меру,
Да не впадеши во отчаяние
И не погибнеши. (VIII)
---
Въ монастырѣ убо игумени и икономи,
И келари и казначѣи,
...
Сами дѣюще тмами неподобная,
Намъ же о единомъ маломъ нѣкоемъ малодушии
Зѣло зазирающе... (IX)
И еще я такъ и не узналъ, кто такiе были "безбожные агаряны" и "смрадные ефиопы".
Полный текстъ:
Стихи покаянные для смѣшаннаго хора (1987)I
Плакася Адамо предъ раемо сѣдя:
Раю мои, раю, прекрасныи мои раю!
Мене бо ради, раю, сотворено бысте,
А Еввы ради, раю, заключено бысте.
Увы мнѣ, грѣшному,
Увы-ы-ы безаконену!
Согрѣшихо, господи, согрѣшихо,
И безаконеновахо.
Уже азо не вижу раискыя пища,
Уже азо не слышу архангелеска гласа.
Согрѣшихо, господи, согрѣшихо,
Боже милостиве, помилуи мя, падшаго.
II
Приими мя, пустыни,
Яко мати чадо свое,
Во тихое и безмлъвное
Нѣдро свое.
Не брани, пустыня,
Страшилищи своими
Отобѣгошаго от лукавныя
Блудница мира сего.
О прекрасеная пустыни,
Веселая дубравица!
Возлюбих бо тя паче
Царескых чертогъ
И позлащенных полатъ.
И поиду в лузѣх
По красному твоему винограду
Различных цвѣтець твоихъ,
Дыхающе от воздуха
Малым вѣтрецем,
Движуще у древес
Вѣтвие свое кудрявое.
И буду яко худъ звѣрь,
Единъ скытаяся
и бѣгая человѣкъ
И многомятежныя сея жизни,
И сѣдя, плача и рыдая,
Во глубоком и диком
Нѣдрѣ твоем:
О Владыко Царю!
Насладил мя еси
Земеныхо благо,
И не лиши мене
Небеснаго царествия твоего.
III
Сего ради нищъ есмь:
Села не имѣю,
Двора своего не стяжаю,
Винограда не копаю,
По морю плавания не сотворяю,
З гостми купли не дѣю,
Князю не служу,
Боляром не точенъ,
В слугахо не потребенъ,
В книжномъ поучении забытливъ,
Церкви божия не держуся,
Отца своего духовенаго заповѣдь преступаю,
Тѣм бога прогнѣваю.
На всякая дѣла благая не памятливѣ,
Безакония исполненъ,
Грѣхы свершен,
Даи же ми, господи, преже конеца
покаятися.
IV
Душе моя, душе моя,
Почто во грѣсех пребываеши,
Чью твориши волю
И без ума мятешися?
Востани, останися сего
И плачися дѣлъ своихъ горцѣ,
Преже даже смрьтныи час
Не восхытить тобѣ:
Тогда слезы не успѣюте.
Помысли, душе моя,
Горкыи часо страшеныи и грозныи
И муку вѣчную,
Ожидающу грѣшников мучити.
Но воспряни, деше,
Вопиюще непрестанено:
Милостиве, помилуи мя!
V
Окаянне убогыи человѣче!
Вѣкъ твои кончаетеся,
И конець приближаетеся
А Судъ страшеныи готовится.
Горе тебѣ, убогая душе!
Солнеце ти есть на запади,
А дене при вечери
И секира при корени.
Душе, душе, почто тлѣющими печешися?
Душе, вострепещи,
Како ти явитися создателю своему,
И како ти пити смертеную чашу
И како ти трьпѣти смрадныя ефиопы
И вѣченыя мукы,
Ото нея же, Христе,
Молитвами рожешая тя
Избави душа наша.
VI
Зря корабле напрасно приставаема,
Возописта прекрасеная два брата Бориса и Глѣбо:
Брате Святополче, не погуби наю,
Еще бо есми велми млады!
Не подрѣжи лозы неплодныя,
Не сожни класа недозрѣлаго,
Не пролеи крови неповинныя,
Не сотвори плача матери наю!
Положени есмя в Вышегороде Руския земля,
Боже наше, слава тебѣ.
VII
Душе моя, како не устрашаешися,
Видяше во гробѣх лежащи
Кости обнажены, смердящи?
Разумѣи и виждь:
Гдѣ князе, гдѣ владыка,
Гдѣ богатъ, гдѣ нище?
Гдѣ лѣпота образа?
Гдѣ велѣрѣчие премудрости?
Гдѣ гордящиеся о народѣхо?
Гдѣ златом и бисеромъ красящася?
Гдѣ кичения и любви?
Гдѣ мздоимание?
И судъ нелицемѣрено, неправдою убыстрено?
Гдѣ господинъ или рабо?
Не все ли есть единако
Прахъ и земля и калъ смердящии?
О душе моя, почто не ужасаешися сердцемъ,
И како не устрашаешися Страшнаго судища
И мукы вѣченыя?
О убогая душе!
Помяни, како земнаго царя, тлѣннаго человѣке
Глагола трепетно послушаеши,
И небеснаго создателя своего
Заповеди не храниши.
Живеши по вся часы согрѣшающи,
А книжное писание ни во что же вмѣняеши,
Яко глумлению предолагаеши.
О душе моя!
Восплачися, вопиюще ко Христу:
Исусе, спаси мя,
Молитвъ ради весѣхо святыхо твоихо
Избави мя вѣчнаго и горкаго мучения.
VIII
Аще хощеши победити
Безвремянную печаль,
Не опечалися никогда же
За кою-любо времянную вещъ.
Аще и бьень будеши,
Или обесчестенъ,
Или отгнанъ,
Не опечалися,
но паче радуися.
Тогда ся токмо печалися,
Егда согрешиши,
Но и тогда в меру,
Да не впадеши во отчаяние
И не погибнеши.
IX
Воспомянух житие свое клирское
Азъ непотрбныи,
Печалное реку и скоропреселное,
Глаголя: Увы мнѣ!
Что сотворю,
Гдѣ убо живу,
И како терплю?
Въ монастырѣ убо игумени и икономи,
И келари и казначѣи,
Вкулѣ же и подъкеларники и чашники,
И соборныя старцы гордливыя,
Самолюбиемъ обьяшася,
И братоненавидѣниемъ соплетошася,
И скупотию связашася,
И лукавъствомъ помрачишася, окаяннии.
Сами дѣюще тмами неподобная,
Намъ же о единомъ маломъ нѣкоемъ малодушии
Зѣло зазирающе.
Сами убо безвременно вкушаху
Различная брашна,
Насъ же и худыми брашны
Не хотяту питати.
Вино же и всякое питие
Всегда пияху,
Сего ради презрѣна насъ,
Своея ради безумныя скупости,
Но весма обладающе,
Насъ же ни единаго кратира сподобляюще.
Оле безумныя скупости!
Оле небратолюбия!
Не свѣдуще убо,
Яко едина божия благость равна всѣмъ,
И каково иноческое обѣщание.
Но убо аще и вѣдуще,
Но лукавнующе во всемъ,
И своя чрева насыщающе,
И одежды разширяюще,
Красящеся и гордящеся
Богатъствомъ паче мирскихъ,
Странныхъ же и нужныхъ не милующе,
Но и оскорбляюще.
Но владыко царю небесныи,
Христе боже нашъ,
Подаждь намъ терпѣние
Противу ихъ оскорбления
И избави от насилия ихъ
И спаси ны, господи,
Яко человѣколюбецъ.
X
Придѣте, христоносении людие,
Воспоимо мученико страдания.
Како по Христе пострадавоше
И многия мукы претрьпѣвоше,
О телесѣ своеме не брегоше
И единомыслено упование имуще ко господу.
Предо цари и князи нечестивыми
Христа исповѣдавоше
И душа своя положиша за вѣеру правую.
Тако и мы нынѣ, друзи и братия, спостражемо
За вѣру православную,
И за святыя обители,
И за благовѣрнаго царя нашего,
И за все православие.
Станемо сопротивъ гонящихъ насъ,
Не устыдимо своего лица.
Не уклонимося убо, о воини,
Поидемъ на супротивныя и безбожныя агаряны,
Разоряющихъ православную вѣру.
Се нынѣ время,
Сомрытию живото купимо.
Да аще похитятъ насъ агаряны
И пролиют кровь нашу,
то мученицы будемо Христу, богу нашему,
Да вѣнецы побѣдными увяземося ото Христа бога
И Спаса душамо нашимо.
XI
Наго изыдохо на плачь сеи,
Младенецъ сыи,
Наго и отоиду паки.
Убоже, что тружаюся
И смущаюся всуе наго,
Вѣдая конець житию.
Дивство, како шевствуем
Вси равным образомъ
Ото тмы на свѣто,
Ото свѣто же во тму,
Ото чрева матереня
Со плачемъ в миро,
Ото мира же печалнаго
Во гробо.
Зачало и конець плачь,
Кая потреба посредниимо?
Соно и сѣне, мечтание
Красота житеиская.
Увы, увы красныхо
Многосоплетеннаго жития!
Яко цвѣто, яко прахо, яко стѣне преходятъ.