իսկ այնտեղ, ինչ է սրա հետ ծանոթ չեն?
Քարնեգի» հիմնադրամի փորձագետ. Պատերազմի դեպքում Ադրբեջանը կպարտվի

Սեպտեմբեր 14, 2010 | 14:36

Հայ-ադրբեջանական սահմանի վրա բախումները կշարունակվեն։ Այդ մասին հայտարարել է Քարնեգիի հաստատության ավագ վերլուծաբան Թոմ դը Վաալը «Ամերիկայի ձայնին» տված հարցազրույցում:

Ըստ դը Վաալի՝ մտահոգիչ է այն հանգամանքը, որ հակադիր կողմերի դիրքերը միմյանցից տեղ-տեղ միայն 40 մետր հեռավորության վրա են գտնվում։
Վերլուծաբանը մեծ տարբերություններ է տեսել Ադրբեջանի պաշտպանության նախարարի եւ երկրի նախագահի ժամանակ առ ժամանակ կրկնվող հայտարարությունների միջեւ։ «Եթե երկրի նախագահը, հանդես է գալիս սպառնալիքներով, ապա պաշտպանության նախարարը պատերազմի հնարավորության մասին շարունակ կատակում է»,- նշել է փորձագետն ու դա բացատրել նրանց համար գոյություն ունեցող տարբեր լսարանների առկայությամբ ու Իլհամ Ալիեւի սպառնալիքներին տալիս միայն քաղաքական տոկոսներ հավաքելու մասին բացատրություն։

Թոմ դը Վաալն ասում է, թե Ադրբեջանը պիտի հասկանա, որ հնարավոր պատերազմում հաղթանակ չի կարող տանել, ինչի մասին, ըստ նրա, վկայում են հետազոտությունների արդյունքները։ Պատճառը, ըստ փորձագետի Լեռնային Ղարաբաղի աշխարհագրական դիրքն ու հայկական բանակի հզորությունն է։

«Բացի նորագույն զենքեր կրելը, պատերազմում հաղթանակ տանելու համար պետք է կարողանալ հենվել զորքերի վրա, ինչն այս պահին Ադրբեջանն անել չի կարող», -ասել է Վաշինգտոնում գործող Քարնեգի հաստատության ավագ վերլուծաբան Թոմաս դը Վաալը եւ ավելացրել, որ պատերազմի դիմելու դեպքում ադրբեջանական կողմը «ադրբեջանցի հազարավոր երիտասարդների կտանի դեպի անխուսափելի մահ»:

Լուրեր Հայաստանից - NEWS.am