Память праведного Иосифа Прекрасного. Притча о бесплодной смоковнице
Страшно еже впасти в руце Бога жива: Сей судия есть помышлений и мыслей сердечных. Никтоже да внидет искушаяй веру непорочную: но в кротости и страсе Христу приступим, да приимем милость, и благодать обрящем, во благовременную помощь.

Смоковницы осуждение да не предварит тя: но благия плоды потщися сердца броздами душе творцу Твоему Христу возвести, в покаянии Ему приносящи.

Се Жених грядет в полунощи, и блажен раб, егоже обрящет бдяща: недостоин же паки, егоже обрящет унывающа. блюди убо душе моя, не сном отяготися, да не смерти предана будеши, и Царствия вне затворишися, но воспряни зовущи: Свят, Свят, Свят еси Боже, Богородицею помилуй нас.