[Recent Entries][Archive][Friends][User Info]

January 21st, 2004

January 21st, 2004

11:07 pm [Link]

Апрацоўшчыцкая Крывая хiбарка з пачарнеўшым надпiсам "Апрацоўшчыцкая". Маленькае дзяўчо баязьлiва адчыняе дзьверы - й сустракаецца позiркам з вялiкай цёткай у забруджаным халаце. - Ты да каго? Няўпэўненым галаском дзяўчынка адказвае: - Тут паведамленьне, трэба апрацаваць. - А што на канвэрце напiсана? "Тыц"? Направа па калiдоры, трэйцiя дзьверы зьлева, спытай Сьцяпана. Дзяўчо прасоўваецца ў вялiкi пакой. Ля сьценкi на падлозе храпiць Сьцяпан - Апрацоўшчык Тыкаў. - Тут вам паведамленьне. - Мне? Дай сюды. Сьцяпан хапае канвэрт бруднымi рукамi, рве паперу пагрызеным пазногцем, разгортвае цыдулку й чытае. - Тык. Сапраўды мне. А хто цябе даслаў? Дзяўчынка чырванее, цiхусенечка кажа: - Ёсьць у нас адзiн такi. Аб'ект! - Аб'ект-хуект, ведаем мы такiя аб'екты. Тыкi да мяне толькi кампаненты й дасылаюць. Як завуць яго? - Ой, дзядзечка, я й ня вымаўлю. Бiт Батонавiч Пяты, сын Батона, унук Кампаненты, праўнук Аб'екта-Прабацькi. - Гы, напужала Прабацькам. Усе мы ад яго - й я, й ты. Дык якi ён, кажаш, Пяты? Зараз пагляджу. Сьцяпан дастае з кiшэнi скамэчаны аркушык, пазногцем водзiць па радках, прыглушана адлiчвае "нуль, адзiн, два, тры, чатыры". Вось, знайшоў. Абалонка! - Што?! - пытае з калiдора Абалонка - тлустая баба ў шэрым палiто й чырвонай хустцы. - Расчынi вакно, ды запусьцi ў яго Сецявую Шуфлядку! - Ось зараз усё кiну й пайду запускаць тваю Шуфлядку, у мяне-ж шчэ крупа не перабраная! - Пра крупы нiчога ня ведаю, а Шуфлядку запусьцi. А ты, дачка, давай назад, да Батонавiчаў, можа iм яшчэ што спатрэбiцца, дык няхай кажуць - усё зробiм. Сьцяпан зноў кладзецца на падлогу. Дзяўчынка выходзiць з хiбары, стаiць колькi хвiлiнаў ля ўваходу, глядзiць на вакно, чакае на Шуфлядку, але нiчога не адбываецца. Яна плюе й пацiху крочыць назад - да Бiтаў Батонавых. ( код i тлумачэньнi ) (3 comments | Leave a comment)