Халера ясна :)
Прыдумляюцца часам нейкія дурныя праекты сайтаў. Вось чарговая бізнэс ідэя:

Калі б беларусы стваралі нешта падобнае да энцыкляпэдыі, пошукавай сістэмы і слоўніка адначасова, гэты выбітны сэрвіс варта было б назваць "ХАЛЕРА". І слоган-tagline адпаведны:



Уяўляеце, на кожнае пытаньне можна было б абгрунтавана адказваць: "А халера яго ведае!"
Дарэчы дамен у .com - вольны ;)))))

А можна нават і маскалям такі сэрвіс зрабіць. Толькі назва ягоная тады будзе карацей ;))) Дый дамены адпаведныя занятыя...

Жартачкі жартачкамі, але насамрэч гэта мог бы быць сур'ёзны праект!
...Як? Ды лёгка! Праект які б аб'ядноўваў пошук па беларускіх Вікіпэдыях, слоўніках, гуглях-яндэксах, беларускім ЖЖ, беларускіх сайтах, форумах, крамах, кошт.коме, анляйнэры, шоп.бае і г.д. Мегапошук, карацей.

Пры тым сам бы сайт нічога па запытах не шукаў, адно зьбіраў, клясыфікаваў і сартыраваў па тэмах існыя пошукавыя сістэмы, як маленькія, так і вялікія. І адпраўляў бы пошукавы запыт адразу на некалькі сістэмаў, якія варта падзяліць па катэгорыях і падкатэгорыях (напрыклад "слоўнікі", "энцыкляпэдыі", "крамы" і г. д.).

Яшчэ можна наляпіць розных уласна беларускіх фішак, напрыклад пошук ня толькі па арыгіналу запыта, але яшчэ і ў іншай правапіснай сістэме ці літарнай графіцы. То бок калі я шукаю "насеньне", Халера акрамя ўласна слова "насеньне" шукае яшчэ "насенне" і "nasieńne". У ідэале сістэма шукае і па беларускіх словаформах (як Яндэкс па-расейску).

Калі нічога ня знойдзена, сістэма раіць нейкі форум ці суполку, дзе можна задаць пытаньне па дадзенай тэме. Калі я шукаў "насеньне канапель на рассаду" у катэгорыях "Садагарод" і "Наркотыкі" то можна параіць зьвярнуцца на нейкі форум батанікаў, суполку растаманаў і на аську даверу міністэрства ўнутраных справаў РБ...

Ну й куды мне, такому разумнаму, прадацца з гэткімі дурнымі ідэямі? ;)))))

источник-skepsys@lj

читать полный текст со всеми комментариями