Big Father watches you
Цікавую ды павучальную гісторыю распавялі мне знаёмыя, дзеткі якіх ходзяць у малодшыя клясы простай сярэдняй беларускай школы. Аднойчы дзіце іх дзесяцігодняе ім і кажа: "Нам у школе казалі вам не расказваць, але я скажу па сакрэце, што мы сёння апытальнік запаўнялі!" - "Што яшчэ за апытальнік?" - цікуюцца быцькі. "Ну гэты, на патрыятызм..." - "...?!" "А што там за пытанні былі, хаця?" - зрэшты апрытомнелі бацькі. "Ну дык, ці часта вы глядзіце тэлевізію, ці глядзіце беларускія навіны, як вы ставіцеся да нашай дзяржавы, што бацькі кажуць пра нашага прэзідэнта і г.д." - адказвае дачка. Пайшлі разбірацца, а разам з імі яшчэ колькі чалавек бацькоў іншых дзетак і высвятляецца, што і сапраўды апытанне гэткае праводзілі і дзеткам раілі не казаць старэйшым, а пасля стала вядома, што не толькі у іхнае школцы такое робіцца. У суседняй дырэктар адмовіўся, ды і паасобныя настаўнікі адмаўляліся, некаторыя нават працай ахвяраваўшы. А вы ведаеце, што вучыць сёння ваша дзіцё?

...Гэта не 1984 год - гэта 2007!!!

источник-karyzna@lj

читать полный текст со всеми комментариями