Асаблівасьці нацыянальнага блогінгу
Тыпалогія пастоў беларускага ЖЖ

Тып першы. Я закахалася/закахаўся.

Тып другі. Мілінкевіч (Пазьняк, Лябедзька, Вячорка, Міхалевіч – патрэбнае падкрэсьліць) – чмо.

Тып трэці. Мілінкевіч (Пазьняк, Лябедзька, Вячорка, Міхалевіч – патрэбнае падкрэсьліць) – адзіны магчымы выратавальнік нацыі, сапраўдны беларус і да таго ж вышывае крыжыкам.

Тып чацьверты. Хто ідзе на прэзентацыю альбома (фільма, кнігі Севярынца, сустракаць Севярынца з Акрэсьціна – патрэбнае падкрэсьліць) вазьміце мяне, а то няма з кім ісьці!

Тып пяты. Ён/Яна мяне не кахае. Я буду жыць для Беларусі.

Тып шосты. Прагаласуйце за мой пост "Я закахалася/закахаўся" ў топе Антыкіллера, ну калі ласачка!

Тып сёмы. Апытаньне. Як вы лічыце, якую шапку мне сёньня апрануць: сінюю ці чырвоную?

Тып восьмы. Вы ўжо прагаласавалі за мой пост у топе Антыкіллера?

...
Тып дзевяты. Справаздача з прэзентацыі альбому (фільма, кнігі Севярынца, сустрэчы Севярынца з Акрэсьціна – патрэбнае падкрэсьліць).

Тып дзесяты. Я доўга думаў/думала, і вырашыў/вырашыла: наркамаўкай (тарашкевіцай, лацінкай – патрэбнае падкрэсьліць) мусіць карыстацца кожны сапраўдны беларус. А хто карыстаецца не наркамаўкай (тарашкевіцай, лацінкай – патрэбнае падкрэсьліць) – усіх разфрэнджу сёньня ж.

Тып адзінаццаты. Схадзіў/схадзіла на Эўрапейскі марш (акцыю прадпрымальнікаў, Дзень Волі, Чарнобыльскі шлях – патрэбнае падкрэсьліць). Пад катам – справаздача, у тым ліку мая фотка з Мілінкевічам.
UPD: сорры, што фотка з Мі крываватая – фоткала Кулей
UPD 2: Мілінкевіч справа.

источник-lipa7@lj

читать полный текст со всеми комментариями