Entry tags:

Православный календарь

Православный календарь 10 декабря (27 ноября ст.ст.)

Рождественский пост.

В этот день:
Русская Православная Церковь отмечает память святых:

Вмч. Иакова Персиянина.(421).
Святителя Иакова, еп. Ростовского (1392).
Преподобного Феодосия Терновского (1363).
Блаженного Андрея Симбирского (1841).
Благоверного кн. Новгородского Всеволода, во св. Крещении Гавриила, Псковского чудотворца (1192).
Преподобного Диодора Юрьевского с Георгиевского холма (Соловки).
Преподобного Романа Киликийского чудотворца (V).
Священномученика Николая , архиеп. Владимирского,1937
Священномученика Кронида, 1937
Святого Конгара еп. Сомерсетского.
Святого Виргила, еп. Зальцбургского (748).
Иконы Божией Матери, именуемой «Знамение»Курской-Коренной (1295),
Икон Божией Матери   Абалацкой (1637),
Икон Божией Матери Царскосельской
Икон Божией Матери Серафимо-Понетаевской (1879),
Икон Божией Матери Верхнетагильской (1753)
Икон Божией Матери именуемой «Корчемная» (XVIII).

Храни вас Господь, Матерь Божия и все святые, их же память мы сегодня отмечаем!

Молитвы:

Иконы Богородицы «Знамение». Тропарь, глас 4.
Яко необоримую стену и источник чудес / стяжавше Тя раби Твои, / Богородице пречистая, / сопротивных ополчения низлагаем. / Темже молим Тя:/ мир граду Твоему даруй / и душам нашим велию милость.

Иконы Богородицы «Знамение». Кондак, глас 4.
Честнаго образа Твоего знамение/ празднующе людие Твой, Богородительнице,/ имже дивную победу на сопротивныя граду Твоему даровала еси./ Темже Тебе верою взываем:/ радуйся, Дево, христиан похвале.

Тропарь мученика Иакова Персиянина, глас 4.
Мучении странноужасными и доблестию терпения/ всех преудивил еси, многострадальне,/ над коимждо составом удеси резания,/ благодарны мольбы предивне изрекл еси Господу./ Тем, во страдании твоем венец прием,/ к Престолу возшел еси Небеснаго Царя Христа Бога, Иакове,/ Того моли спасти души наша.

Кондак великомученика Иакова Персянина, глас 2

Уверився доброю сопружницею, терпеливодушне,/ и Страшнаго Судища убоявся,/ персское повеление и страх, Иакове, поплевал еси/ и явился еси мученик честный,// телом, яко розга, режем.

Свт. Иакова, еп. Ростовского. Тропарь, глас 4.
Избран от юности Богови быв, / святителю Иакове, / сего ради архиерейства саном почтен, / упасл еси люди, яже тебе Богом врученныя. / Темже и по преставлении / чудес дарования от Бога приял еси/ исцеляти различныя недуги. / Моли о нас, совершающих честную память твою, / да тебе непрестанно величаем.

Свт. Иакова, еп. Ростовского. Кондак, глас 8.
Яко архиереев сопрестольник/ и святителем изрядный поборник был еси, святителю Иакове,/ непрестанно сохраняй отечество твое, град же и люди,/ тебе верою почитающия и честным мощем твоим покланяющияся,/ да велегласно тебе вопием:/ радуйся, Иакове Богомудре.

Блгв. кн. Новгородского Всеволода, во св. Крещении Гавриила. Тропарь, глас 4.
Наста днесь всечестный новый праздник,/ обретение честных мощей/ блаженнаго князя Гавриила,/ веселящи изрядно всех благочестивых множества,/ темже, вси вернии,/ сошедшеся во святый храм Живоначальныя Троицы, возопием:/ блаженне княже Гаврииле,/ имея дерзновение ко Христу Богу,/ моли спастися празднующим любовию память твою.

Блгв. кн. Новгородского Всеволода, во св. Крещении Гавриила. Кондак, глас 8.
Возвеселися, Христова церковь,/ имущи в себе источника чудесем обильна./ Днесь, любовию сошедшеся в тя, людие твой,/ во обретение честных мощей блаженнаго князя Гавриила,/ воспоем песнь единому Богу в Троице, радующеся,/ сподобльшаго нас видети пречестное сокровище, мощи его,/ от мног лет сокровенны, напоследок же нам явлены./ Яко да молитвами его к Богу от всех находящих зол избавимся/ и радостною душею и веселием сердца/ благодарная воспоем, глаголюще:/ радуйся, утверждение граду нашему.

Прп. Феодосия Терновского. Тропарь, глас 3.
В блаженней безмолвии пустыннем/ и на соборех, любовию к Богу горя,/ посрамил еси лукавых бесов и еретик злочестивых./ На молитве же стоя, огня светлостию просиял еси/ и преставлением твоим Ангелов поющих обвеселил еси,/ Феодосие, отче наш,/ сего ради молим тя:/ молися о душах наших.

Прп. Феодосия Терновского. Кондак, глас 8.
Проповедник велегласный Божественных догмат/ на соборех святых был еси, отче мудре,/ цари умудряя и в вере утверждая;/ благодатию же Божественною осияваем,/ заградил еси уста злославных, Феодосие./ Сего ради вопием ти:/ радуйся, Болгарская похвало/ и Православия светлое радование.

Pages: 1 2 3