бардак паўсюль
Пачалася радыяцыя, палёт пакуль нармальны.

Бардак такі бардак. Нават у шпіталі М. Спачатку чакаў анколяга дзьве гадзіны - яго вызвалі да іншага пацыента. Потым медсястра тармазіла. 'Я бачу, што ў вас порт, але мне трэба даведацца, ці правільны ён'. Правільны, правільны, я зь ім ужо прайшоў дзьве хіміі. Не, мне трэба дакладна даведацца. Зьнікае на добрыя паўгадзіны. Прыходзіць, кажа, ну дык у нашай сыстэме нічога няма, дык я званіла ў шпіталь Б. Ну блін, а ня можна гэта было зрабіць ДА таго, як я прыйду Прыходжу да радыёлягаў, яны круцяць мяне й так, і гэтак, але правільна пакласьці не атрымліваецца. Потым здагадаліся, што трэба падкласьці такую-ж фігню, якая была, калі рабілі тату. Пасьля кажуць, ну вось, яшчэ дзевяць разоў, і адстраляўся. Як адстраляўся, вы-ж мне выдалі раздрукоўку, дзе 16 разоў? Нічога ня ведаем, у нас напісана ўсяго 10. Затое пакуль чакаў анколяга, запісаўся на клінічнае дасьледваньне. Як ракавыя пацыенты будуць пісаць, як яны маліліся, а дасьледваньне будзе неяк спалучаць гэта з медыцынскімі паказчыкамі. Дык вось, малюся Лятучаму Макароннаму Монстру я так...