| |||
![]()
|
![]() ![]() |
![]()
Православный календарь 23 февраля (10 февраля ст.ст.) В этот день: Неделя о Страшном СудеРусская Православная Церковь отмечает память святых: Священомученика Харалампия и с ним мчч. Порфирия, Ваптоса и 3-х мучениц (202) Храни вас Господь, Матерь Божия и все святые, их же память мы сегодня отмечаем! Сщмч. Харалампия. Тропарь, глас 4. Яко столп избранный Церкве Христовой/ и светильник присносветлый всея вселенныя,/ премудре показася, Харалампие,/ возсия в мире мучением,/ разруши идольское мракобесие, блаженне,/ сего ради явися предстатель Христу,/ молися спастися нам. Сщмч. Харалампия. Кондак, глас 8. Подобствовав благодатию священства, славне,/ Церковь светло украсил еси Божественным страданием,/ еже за Христа приял еси доблественно, радуяся, Харалампие,/ честный светильниче всемирный, осияваяй концы,/ яко непобедимый. Прп. Прохора Печерского, в Ближних пещерах. Тропарь, глас 4. Преподобне и чудотворче, отче Прохоре,/ препитавый во гладе алчущия хлебом от былия и солию от пепела,/ напитай и нас пищею духовною,/ моля Христа Бога/ о душах наших Прп. Прохора Печерского, в Ближних пещерах. Кондак, глас 2. Велиим воздержанием удручая плоть свою, святе,/ лишився пищи человеческия,/ зелием и травою вместо хлеба, пепелом же, аки солию, питался еси,/ чудодейственне Прохоре./ Еже видя, Господь преложи зелие во хлеб и пепел в соль,/ имиже ты множество гладных препитал еси,/ тем тя чтем и ублажаем. Прп. Лонгина Коряжемского. Тропарь, глас 1. От мятежа мирскаго удалився,/ к немерцающему Свету притекл еси, преподобне отче Лонгине,/ и ныне чисте зриши Святую Троицу,/ Юже моли за ны недостойныя,/ да спасет души наша. Прп. Лонгина Коряжемского. Кондак, глас 8. По словеси Учителя Христа,/ крест на рамо твое приял еси,/ вся житейская отринув,/ и образ Животворящаго Древа в пустыню принесл еси,/ идеже доныне исцеления неоскудно источаются/ с верою приходящим к тебе. Блгв. кн. Анны Новгородской. Тропарь, глас 1. От запада возсиявши, яко звезда небосветлая,/ прияти Православную веру сподобилася еси,/ в нейже плод благославный Русской земле принесши,/ святая благоверная княгине Анно,/ Христа всем сердцем возлюбила еси,/ Того оправдания и законы хранящи;/ темже днесь всесвятую твою память празднующе,/ грехов оставление молитвами твоими приемлем. Блгв. кн. Анны Новгородской. Кондак, глас 4. Днесь в светлой памяти твоей/ Великий Новград веселится,/ созывая всех верных светло праздновати память твою,/ и мы ныне, духовно ликовствующе,/ радостно славим тя и молим:/ святая благоверная княгине Анно,/ предстоя Святей Троице/ моли избавити Великий Новград и всю землю Русскую/ от всяких бед и обстояний и всем нам спастися. Добавить комментарий: |
||||||||||||||
![]() |
![]() |