apud Ptolemaeum et posteriores Scythia continetur fluminibus Rha (uolgo Volga), Iaxarte (uolgo Syrdarja), finibus Serum. itaque respondet eis quae a neotericis Sibiria et Kazachstania uocantur.

medio aeuo Tartaria factum est id, quod prius Scythia fuit; ab eis uero qui puritatem sermonis colebant aperte docebatur Tartariam ab antiquis Scythiam uocatam esse; inde facillime ad sententiam ueniri potest, Tartaros Scythas esse.

apud Rutenos tamen saec. XVIII Scythae saepius non pro Turcis sed pro Fenno-Ugris habebantur; sic, nisi me fallit, apud Tatischow.