лытдыбр::яйкi::supersize it
Так склалася, што яйкi мы практычна не ўжываем - яешню гатаваў гады два таму. Сёньня вырашылi пасмажыць пячонку, спатрэбiлiся два яйкi. Паехаў у краму. Па-першае, разумею, што патрэбныя два, але прыйдзецца ўзяць дванаццаць. Па-другое, памятаю, што назва кампанii на ўпакоўцы ня значыць абсалютна нiчога. Гляджу на выбар i бачу толькi Large i Extra Large. Радуюся, заўважыўшы ўпакоўку з шасьцю яйкамi, але бачу цэну й афiгеваю - гэтыя 6 каштуюць болей за 12 Extra Large. Маўляў, гэтыя шэсьць дзiкiя курыцы самi прынесьлi да нас на камбiнат, без усялякага гвалту, вось таму й кошт такi. Урэшце заўважыў medium, цэньнiка нават не было.

Вось так i жывем - з выбару толькi large, extra large i supersize. Прыгадаў артыкул, дзе казалi, што сярэднi памер порцыi ў мiрыканскiх рэстарацыях на 25, здаецца, адсоткаў болей, чымсьцi ва Францыi. А потым, блiн, яшчэ зьдзiўляюцца, чаму нацыя такая тлустая.