[Recent Entries][Archive][Friends][User Info]

July 18th, 2005

July 18th, 2005
04:20 pm [Link]	Учора пераглядзелі "карты, грошы, два ствалы". Зноўку спадабалася, але-ж спаць трэба класьціся за дзьве гадзіны да апоўначы, а не пасьля! Раніцой зь цяжкасьцю прачнуўся, расплюшчыў вочы, ледзь выпіхаў сябе з хаты. У машыне зноў нешта вішчыць, здаў яе на рамонт, паехаў на працу аўтобусам. На працы доўга пазяхаў, лупаў вачыма, пакуль ня выпіў кавы (напэўна, ўпершыню за апошні год, трэба будзе сюды гарбаты прынесьці). Доўга разьбіраўся, чаму два розныя запыты даюць розныя рэзультаты; дакапаўся, што WHERE date1 < date2 - гэта ня тое-ж самае, што WHERE DateDiff(mi, date1, date2) > 0. Заставіў праграмістых перапісваць. Поўднічаць хадзіў у гаіцянскую рэстарацыю; хацеў заказаць курыцу, але ў іх не было, сказаў, каб далі, што ёсьць. У рэзультаце прынесьлі страву, што выглядала як рагу, а на смак была, што нашыя галубцы. Наеўся, як слон; думаць ужо не магу, таму спрабую даўбацца з Eclipse. Дзеля пашырэньня лінгвістычнае шызафрэніі падпісаўся на ўсе, што знайшоў, фідэліцеўскія development mailing lists - цераз адзін валяцца чужыя праблемы з .Net i Java, так і вывучу абедзьве тэхналёгіі :) Дарэчы, ад мяне да Неда Джонсана ўверх па кіроўчай вертыкалі ўсяго 7 прыступачак, а максымальная даўжыня гіерархічнага ланцужка, што пакуль знайшоў - 9; у штаце, здавалася, было болей узроўняў кіраваньня пры меншай агульнай колькасьці народу. Вось таму Fidelity - прыстойная фінансавая кантора, а штат - балота. Дарэчы, калі хто з бостанскіх хоча папрацаваць на штат (ASP/VB/Oracle, potentially .Net, рабіць асабліва нічога ня трэба, толькі на мітынгі хадзіць) - адзавіцеся, накірую куды трэба. (Leave a comment)
Time	Event
08:08 pm [Link]	Дзільбертаўшчына ў маскоўскай філіі Самсунга http://www.livejournal.com/users/raccoon/101037.html (Leave a comment)