Музыка: | Драбніца. камэрнае выкананьне на Акрэсьціна |
беларускі народны шансон
дробна-драбніца, дробна-драбніца,
дробны дождж ідзе…
сабралася бедна басота
ды гарэлку п'е
сабралася бедна басота
ды гарэлку п'е
п'ем мы гарэлку, п'ем мы вішнёўку,
будзем піць віно…
а хто прыйдзе з нас насьмяяцца —
будзем біць таго
а хто прыйдзе з нас насьмяяцца —
будзем біць таго
вось ідзе дзядзька, дзядзька багаты —
насьмяхаецца…
скуль жа, скуль жа
бедна басота напіваецца
скуль жа, скуль жа
бедна басота напіваецца…
— З нас ты ня сьмейся, дзядзька багаты,
ты ня сьмейся з нас!
Бяры ў рукі чарку гарэлкі —
выпівай за нас!
Бяры ў рукі чарку гарэлкі —
выпівай за нас!
— Рад бы я зьесьці, рад бы я выпіць,
рад бы закусіць…
Ёсьць у мяне сто рублёў грошай —
шкода разьмяніць…
Ёсьць у мяне сто рублёў грошай —
шкода разьмяніць…
Адзін за ручку, другі за ножку,
трэцьці ў карак б'е…
Не хадзі ж ты, дзядзька багаты,
дзе басота п'е…
Не хадзі ж ты, дзядзька багаты,
дзе басота п'е…
дробна-драбніца, дробна-драбніца,
дробны дождж ідзе…
сабралася бедна басота
ды гарэлку п'е…