пра выбары 2
курасоўшчына. яшчэ адзін мой сябра пайшоў галасаваць у другой палове дня. на тым лісьце, на якім ён распісваўся больш не было ніводнага подпісу… афіцыйна па менску 60% прынялі ўдзел…

Ярмошына пахваліла “вінцучкоў". У разгар чарговай рэжымнай фальшыўкі пад назовам “мясцовыя выбары” 14 студзеня а 15 гадзіне яна зьявілася на БТ і прызналася, што ў Менску назіраецца праблема з кворумам на выбарчых участках, зьявіліся ня больш за 37% выбарцаў. “Всё хорошо только в Мірошніченковском округе століцы, там прішло уже более 50% ізбірателей…” У Мірашнічэнкаўскай акрузе балатаваўся вядомы Вінцук Вячорка. Падпісваўся абрэвіятурай “Партыя БНФ”, ягоныя таварышы раскідвалі агіткі па паштовых скрынях пра “незалежнасьць і справядлівасьць”. Кандыдат нават даў канцэрт “беларускіх выканаўцаў” на адной з мясцовых пляцовак. […] Можа В.Вячорку цяпер мэдаль дадуць – “За заслугі перед режімом”. Фарс працягнуўся й пасьля “галасаваньня”. Нават супэржулік А. Лебедько карцінна зняў сваю кандыдатуру за два дні да 14 студзеня. В. Вячорка “пошёл до конца”. Нават пасьля ганебных падтасаваных “вынікаў галасаваньня” ён выступіў на Радыё Свабода з гнеўнай прамовай: “Я буду дамагацца праз суд выпраўленьня гэтай несправядлівасьці!..” Гэта выглядала так сьмешна і недарэчна, што прамова В.Вячоркі правісела на старонцы “Свабоды” ўсяго некалькі гадзінаў і зьнікла назаўсёды.

© Янка Базыль «Факты і падзеі (12-14 студзеня 2007 г.)»