Рождественский пост.

В этот день:
Русская Православная Церковь отмечает память святых:

Пророка Авдия (из 12-ти) (IX в. до Р.Х.).
Мученика Варлаама .(ок. 304).
Прпп. Варлаама и Иоасафа, царевича Индийского (IV).
Святителя Филарета, митр. Московского (1867).
Обретение мощей прмч. Адриана Пошехонского, Ярославского (1625).
Свщмч. Сергия Махаева пресвитера (1937).
Свщмч. Михаила Дмитрева пресвитера (1937).
Свщмч. Иакова Бриллиантова пресвитера (1937).
Прпмч. Вениамина (Зыкова) архимандрита (1937).
Прпмч. Григория (Ребезы) архимандрита (1937).
Мч. Леонида Салькова (кон. 1937 — нач. 1938).
Прп. Варлаама, 1-го игумена Печерского, в Ближних пещерах (1065).
Мч. Азы и с ним 150-ти воинов (284-305).
Мч. Илиодора Памфилийского (ок. 273).
Прп. Илариона, Солунского чудотворца (875) (Груз.).
Священномученика Порфирия (Гулевича), еп. Симферопольского, (1937)
Cвященномученики Иосаф (Крымзин) Петр (Мамонтов)
Иконы Божией Матери, именуемой «В скорбех и печалех Утешение»(1863).

Храни вас Господь, Матерь Божия и все святые, их же память мы сегодня отмечаем!

Молитвы:

Тропарь пророка Авдия, глас 2.
Пророка Твоего Авдия память, Господи, празднующе,/ тем Тя молим,/ спаси души наша.

Тропарь святителя Филарета, глас 4
Духа Святаго благодать стяжав,/ богомудре святителю Филарете,/ истину и правду разумом просвещенным/ людем проповедал еси,/ мир и милость сердцем умиленным/ страждущим явил еси,/ яко учитель веры и страж неусыпный/ паству российскую жезлом правости сохранил еси./ Сего ради дерзновение ко Христу Богу имея,/ моли даровати Церкви утверждение// и душам нашим спасение.

Кондак святителя Филарета, глас 2
Яко истинный подражатель преподобнаго Сергия,/ добродетель измлада возлюбил еси, богоблаженне Филарете,/ яко пастырь праведный и исповедник непорочный,/ по святем преставлении/ от безбожных поругание и поношения приял еси,/ Бог же знаменьми и чудесы тя прослави// и заступника Церкве нашея яви.

Ин тропарь преподобного Варлаама Индийского, глас 8
Слез твоих источники пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенныя, сияя чудесы, Варлааме отче наш,/ моли Христа Бога спастися душам нашим.

Тропарь преподобного Иоасафа, царевича Индийского, глас 4
От духовнаго наставника научився,/ царю Иоасафе, Бога познати,/ Крещением же просветився,/ люди к вере обратил еси,/ и отцу твоему от купели приемник быв,/ царство оставив, пустыню достигл еси/ и в ней трудолюбие подвизался еси./ Моли Христа Бога со учителем твоим Варлаамом/ спастися душам нашим.

Ин тропарь преподобного Иоасафа, царевича Индийского, глас 4
Из чрева матерня/ прекрасное вселение бысть Святаго Духа,/ преславне Иоасафе,/ и от блаженнаго Варлаама безценный бисер, Христа,/ в сердце своем приял еси,/ и Божественным Крещением Индию просветил еси,/ отеческое же нечестие исправль,/ приведе его от тьмы ко свету Богоразумия/ и, оставив тленное на земли царство,/ пустыню достиг и своего учителя,/ темже на Небесех от Живоначальныя Троицы/ венцем царским венчася,/ моли о нас, чтущих честную твою память.

Кондак преподобного Иоасафа, царевича Индийского, глас 8
Ведый твое из младенства благое изволение, Иоасафе, един сердцеведец Бог,/ и от царствия земнаго в монашеское пребывание приведый тя,/ великому Варлааму последовати сподоби./ С нимже и ныне горний Иерусалим всесветлый отечество имея,/ желаемыя доброты красно наслаждался Святыя Троицы,/ молим тя, царская красото,/ поминай нас, верою чтущия тя.

Кондак преподобного Иоасафа, царевича Индийского, глас 8
Ведый твое от младенства благое изволение, Иоасафе,/ един сердцеведец Бог,/ ибо от царствия земнаго во иноческое пребывание приведый тя,/ и великому Варлааму воследовати сподоби тя,/ и со Ангелы с ним в Неизреченном Свете водворися;/ с нимже Святей Троице предстоя,/ молим тя, царское красото,/ поминай нас, верою празднующих память твою.

Кондак мученика Варлаама, глас 4
Явился еси преудивлен крепостию, всесожжения ливан благовонен себе принесл еси, жертву Христу, и венец почести приим Варлааме, присно моли за ны, страдальче.

Тропарь преподобномученика Адриана Пошехонского, глас 4
Христову мученику Адриану тезоименит был еси, преподобне,/ многия труды подъял еси в жизни временней,/ обитель иноческую созидая в пустыни,/ идеже пострадал еси даже до крове от злых разбойник/ и мученическую смерть от них приял еси,/ Адриане славне,/ чудес благодатию обогатився,/ предстоиши всех Царю, Христу Богу,/ Егоже моли спастися душам нашим.

Кондак преподобномученика Адриана Пошехонского. глас 4
Христа ради доблественне претерпел еси/ и венец нетления от Него восприял еси страдания своего,/ приходящим же с верою к тебе подавши цельбы,/ о преподобномучениче Адриане, приснопамятне,/ молитвенниче о душах наших.

Pages: 1 2 3