Рождественский пост.

В этот день:
Русская Православная Церковь отмечает память святых:

Амвросия, епископа Медиоланского
Нил Столобенский, Новгородский чудотворец
Преподобного Антония Сийского (1556).
Св. Амвросия исп. еп. Каменец-Подольского (1932).
Мученицы Филофеи Румынской
Преподобного Иоанна, постника Печерского, в Ближних пещерах (XII).
Святой мученик Афинодор(ок. 304).
Преподобный Павел Повинник.
Прп. Григория молчальника, Сербского (Греч.).
Св. Диума еп. Меркианского.
Селигерской-Владимирской иконы Божией Матери.

Храни вас Господь, Матерь Божия и все святые, их же память мы сегодня отмечаем!

Молитвы:

Свт. Амвросия, еп. Медиоланского. Тропарь, глас 4.
Правило веры и образ кротости,/ воздержания учителя/ яви тя стаду твоему/ яже вещей истина./ Сего ради стяжал еси смирением высокая,/ нищетою богатая,/ отче Амвросие,/ моли Христа Бога,/ спастися душам нашим.

Свт. Амвросия, еп. Медиоланского. Ин кондак, глас 8.

Изрядно слово жизни стяжав, отче мудре,/ не усумнеся высоты царския, богонаказательне царя обличи и умудрив./ Тем паче честне почтеся и людей своих паству к Богу настави./ Сего ради зовем ти:/ радуйся, Амвросие
предивне.

Свт. Амвросия, еп. Медиоланского. Кондак, глас 3.

Божественными догматы облистая,/ помрачил еси Ариеву прелесть, священнотайнниче и пастырю Амвросие;/ чудодействуя же силою Духа,/ страсти различный яве исцелил еси, отче преподобие,/ Христа Бога моли
спастися душам нашим.

Прп. Антония Сийского. Тропарь, глас 1.
Желанием духовным распалився/ и мятежи мирския отринув,/ ко единому же Богу любовию прилепился еси/ и, Того вседушне взыскуя,/ во внутреннюю пустыню отошел еси, при водах вселився,/ идеже во слезах и трудех
пребывая многолетное время,/ в терпении мнозем житие Ангельское проходил еси/ в наставлении Божественнаго разума,/ и множество монахов собрал еси, мудре,/ ихже посещая, и не остави, Антоние преподобне, отче наш,/
Пресвятей Троице моляся/ от зол всяческих избавити и спасти души наша.

Прп. Антония Сийского. Кондак, глас 8.

От юности, преподобие, плоть твою в постех и молитвах истончил еси/ и, крест твой взем, Христу последовал еси./ Темже и к Вышним течение радостно совершил еси,/ идеже со всеми святыми Святей Троице предстоиши;/ и ныне, стадо твое посещая,/ поминай чтущих пресвятую память твою,/ да вси благодарив вопием ти:/ радуйся, Богомудре Антоние, наставниче пустынный.

Ина служба преподобнаго Антония Сийскаго. Тропарь, глас 6.

Иже воистинну на земли тя Ангела/ и на Небеси человека Божия почтим,/ сию жизнь суетную оставль,/ яко воистинну преудобрен воин Христа Бога,/ на страсти душепагубныя подвизався в жизни сей суетней/ бдением и пощением,/ во всем быв образ своим учеником./ Темже бо в тя вселися Пресвятый Дух,/ Егоже действием светло украшен,/ но яко имея дерзновение ко Святей Троице,/ поминай святую обитель сию/ и стадо свое, еже собра,
мудре,/ и не забуди, якоже обещася,/ посещай чад своих,/ Антоние преподобие, отче наш.

Кондак преподобнаго Антония Сийскаго, глас 3.

Христа единаго вожделев,/ и к Тому любовию уязвився,/ и Тому неотложным путем последовал еси./ Всякое житейское наслаждение возненавидев,/ темже, яко второе солнце, чудесы сияя,/ и сего ради тя даром обогати
Владыка,/ поминай нас, чтущих пресветлую память твою, да зовем ти:/ радуйся, Антоние, преподобие отче наш.

Прп. Нила Столобенского. Тропарь, глас 4.

Яко светильник всесветел,/ явился еси во острове Селигера езера,/ преподобне отче Ниле,/ ты бо, крест Христов от юности своея на рамо взем,/ усердно Тому последовал еси,/ чистотою Богови приближився,/
отонудуже и чудес дарованием обогатился еси./ Тем и мы, притекающе к раце мощей твоих, умильно глаголем:/ отче преподобне,/ моли Христа Бога/ спастися душам нашим.

Нила Столобенского. Кондак, глас 8.

Отечества, преподобие, удалився,/ в пустыню вселился еси,/ и, на остров Селигера езера возшед,/ жестоко житие показал еси,/ и, многих добродетельми удивив,/ дарования чудес от Христа приял еси./ Поминай нас, чтущих память твою, да зовем ти:/ радуйся, Ниле, отче наш.

Pages: 1 2 3